mseven

Framúrskarandi Fyrirtæki 2025

Sat, 01 Nov 2025 15:21:03 GMT

Framúrskarandi Fyrirtæki 2025

M7 er Framúrskarandi Fyrirtæki 2025

M7 er á meðal einungis 2% fyrirtækja á Íslandi sem uppfylla ströng skilyrði Creditinfo og hljóta þannig viðurkenninguna Framúrskarandi fyrirtæki.

Þetta er ekki bara viðurkenning fyrir fyrirtækið sjálft – þetta er viðurkenning fyrir fólkið okkar. ��

Hver og einn starfsmaður leggur sitt af mörkum daglega til að skapa traustan, faglegan og jákvæðan vinnustað þar sem samvinna, ábyrgð og metnaður ráða ríkjum.

Við viljum því nýta tækifærið og þakka öllu frábæra M7-teyminu fyrir ómetanlegt framlag. Þetta er árangur sem við náum saman – sigur liðsheildarinnar! ��

Bleiki dagurinn hjá M7

Wed, 22 Oct 2025 16:10:32 GMT

�� Bleiki dagurinn hjá M7 ��

Föstudaginn 22. október tók M7 þátt í Bleika deginum – deginum sem minnir okkur á mikilvægi þess að standa saman gegn krabbameini og sýna umhyggju og samhug í daglegu lífi.

Dagurinn var haldinn hátíðlegur hjá okkur, þar sem starfsfólk mætti í bleiku og sýndi samstöðu með brosum, hlýju og litagleði. Það var einstakt að sjá hvernig smáatriði eins og bleikur litur, bros og góðvild geta skapað jákvæða stemningu og samhug á vinnustaðnum.

Bleiki dagurinn er tákn um vináttu, styrk og samkennd – og með því að sýna litinn stóðum við saman fyrir mikilvægu málefni sem snertir okkur öll.

Við í M7 erum stolt af að taka þátt í degi sem minnir okkur á að samhugur og umhyggja skipta máli.

�� Saman erum við sterkari.

#BleikiDagurinn #M7 #UmhyggjaÍVerki #SamanSterkari

M7 og Docentric hefja samstarf á Íslandi

Thu, 16 Oct 2025 11:36:56 GMT

M7 og Docentric hefja samstarf á Íslandi

Við hjá M7 erum afar ánægð með að tilkynna nýtt samstarf við Docentric , alþjóðlegt fyrirtæki sem sérhæfir sig í háþróuðum lausnum fyrir skjala- og skýrslugerð innan Microsoft Dynamics 365 Finance & Operations (D365 F&O) .

Docentric hefur skapað sér nafn sem traustur og öflugur samstarfsaðili fyrir fyrirtæki sem vilja bæta gæði, sveigjanleika og sjálfvirkni í skjala- og skýrslugerð. Með þessu samstarfi fær íslenskur markaður nú aðgang að lausnum sem hafa sannað sig víða um heim og eru sérstaklega hannaðar til að mæta þörfum notenda í D365 F&O umhverfinu.

Hvað felst í samstarfinu?

Samstarfið felur í sér að M7 verður opinber samstarfsaðili Docentric á Íslandi og mun bjóða upp á innleiðingu, ráðgjöf og stuðning við notkun lausna þeirra. Fyrirtæki sem nota D365 F&O geta nú nýtt sér Docentric til að:

✅ Hanna og sérsníða skjöl beint í Microsoft Word – sem einfaldar vinnuferla og eykur sveigjanleika
✅ Bæta sjálfvirkni og faglegt útlit skýrslna og skjala – sem styrkir ímynd og sparar tíma
✅ Auka skilvirkni og draga úr viðhaldskostnaði – með betri yfirsýn og minni þörf á sérsniðnum kóða

Tækni sem þjónar notendum

Docentric lausnir eru byggðar á hugmyndafræði um að gera skjala- og skýrslugerð aðgengilega og sveigjanlega fyrir notendur, án þess að fórna tæknilegum möguleikum. Lausnirnar styðja við bæði einfaldar og flóknar þarfir og eru sérstaklega gagnlegar fyrir fyrirtæki sem vilja halda utan um rekstrargögn á faglegan og skilvirkan hátt.

Framþróun í þjónustu við íslensk fyrirtæki

Við hjá M7 höfum það að markmiði að styðja íslensk fyrirtæki í stafrænum umbreytingum og bjóða upp á lausnir sem skila raunverulegum ávinningi. Með Docentric í verkfærakistunni getum við nú boðið upp á enn öflugri þjónustu og hjálpað fyrirtækjum að hámarka möguleika sína innan D365 F&O.

Við hlökkum til að vinna með íslenskum fyrirtækjum og styðja þau í að nýta sér þessa nýju möguleika til fulls.

M7 Fyrirmyndar fyrirtæki í Rekstri

Thu, 16 Oct 2025 11:03:36 GMT

Við erum Fyrirmyndarfyrirtæki í Rekstri!

Í dag var tilkynnt hvaða fyrirtæki uppfylla öll skilyrði til að hljóta viðurkenninguna Fyrirmyndarfyrirtæki í rekstri – og við erum stolt af því að vera á þeim lista! ��

Þessi viðurkenning endurspeglar ekki bara góða rekstrarhætti heldur líka þann anda, samheldni og metnað sem einkennir allt okkar frábæra starfsfólk.

Við trúum því að árangur byggist á trausti, samstarfi og jákvæðu viðhorfi – og þessi viðurkenning er staðfesting á því að við erum á réttri leið.

Takk til allra starfsmanna fyrir framúrskarandi starf, elju og jákvæðni.

Saman höldum við áfram að byggja upp vinnustað sem við getum öll verið stolt af – fyrirmyndarfyrirtæki í orði og á borði!

#Fyrirmyndarfyrirtæki #StoltAfLiðinu #SamanSterkari #Fyrirtækjamenning #Árangur

BYKO PLÚS og M7

Thu, 26 Jun 2025 09:49:14 GMT

Nýr fríðindaklúbbur BYKO opnaður - M7 með tæknilega útfærslu

Í vikunni var stórum áfanga náð þegar BYKO Plús fríðindaklúbbur BYKO var opnaður. Hugbúnaðarsérfræðingar okkar hafa undanfarnar vikur unnið þétt með BYKO-fólki að fullmóta kerfið, tæknilega útfærslu og framkvæma aðlaganir í fjárhagskerfinu. Oft hafa verið langir dagarnir hjá okkar fólki en með samstilltu áttaki og í góðu samstarfi er allt mögulegt.

Við óskum BYKO til hamingju með þessa frábæru viðbót og þökkum fyrir ánægjulegt samstarf í verkefninu.

Frekari upplýsingar um BYKO PLÚS eru hér: https://byko.is/plus

Dynamics D365 Finance - ráðstefna með viðskiptavinum

Wed, 04 Jun 2025 10:06:52 GMT

Fremstu sérfræðingar Dynamics D365 F&O með vinnustofur og fyrirlestra

Í síðustu viku lauk afar vel heppnaðri ráðstefnu í Slóvaníu um Dynamics 365 Finance and Operation og Power Platformið. M7 var á staðnum ásamt fjölda viðskiptavina sem fóru með.

Hugbúnaðarsérfræðingar okkar fengu þarna einstakt tækifæri til að fræðast og hitta fremstu sérfræðinga í heiminum í dag í Dynamics D365. Fjölmargar vinnustofur og fyrirlestrar voru megin uppistaða ráðstefnunnar.

Margt af því sem rætt var á ráðstefnunni hefur M7 þegar innleitt hjá viðskiptvinum . En þarna komu einnig fram áhugaverðir upplýsingar um það sem koma skal í D365 F&O á næstu misserum. M7 mun kynna fyrir viðskiptvinum á næstunni þá fjölmörgu möguleika sem eru í þróunn og munu koma fram á sjónarsviðið á næstu vikum og mánuðum.

DynamicsMinds er árleg þriggja daga ráðstefna um Dynamics 365 haldin í mai. Öll umgjörð, fundarsalir, vinnustofur og staðsetning er framúrskarandi og með því besta sem við höfum séð. Við stefnum á að mæta með hóp viðskiptavina í maí 2026.

Hér fyrir neðan eru nokkrar myndir frá ráðstefnunni.

Fjölgun forritara hjá M7 – Fanney, Hrólfur og Valdimar

Fri, 23 May 2025 10:24:01 GMT

Reynslumiklir forritarar bætast í hópinn.

Nýlega bættust í hópinn hjá okkur þrír öflugir forritarar sem eiga að baki langa reynslu í AX og Microsoft D365 F&O. Þau Fanney Hrund Jónasdóttir, Hrólfur Gestsson og Valdimar Snorrason.

Fanney Hrund Jónasdóttir kemur frá Advania þar sem hún vann við hugbúnaðarþróun. Fanney kemur með mikla reynslu bæði í Microsoft Ax og Business Central. Fanney hefur verið að forrita lausnir bæði í Microsoft Ax og Business Central. Hún hefur unnið mikið í vöruhúsalausnum og þekkir þau ferli vel. Hún mun verða kærkomin viðbót inní Vöruhúsateymi M7. Fanney prjónar og heklar öll kvöld og helgar þegar hún er ekki að forrita.

Valdimar Snorrason kemur til M7 frá Motus þar sem hann vann við þróun greiðslulausna og sjálfvirknivæðingar tengt fjárhagskerfum. Þar áður stýrði hann hugbúnaðarþróunardeild hjá Sýn. Valdimar verður kærkomin viðbót inní posa og greiðslulausna hópinn okkar. Valdimar er hestamaður og hefur farið á nokkur hestamannamótin í gegnum tíðina.

Hrólfur Gestsson kemur frá Wise og síðar WiseFish, þar sem hann starfaði við forritun bæði í tengslum við afgreiðslulausnir, samþættingar og sjávarútvegslausnir. Hrólfur verður okkar maður í ýmsum samþættingum og afgreiðslulausnum. Hrólfur er öflugur söngmaður og hefur sungið bassaröddina í meira en 15 ár.

Fanney, Valdimar og Hrólfur fóru öll í Háskólann í Reykjavik og kláruðu þar B.Sc í tölvunarfræði.

Enok framkvæmdastjóri M7 sagði á starfsmannafundi að þessu tilefni: „ Það er gríðarlegur fengur í að fá svona reynslumikla forritara sem hluta af okkar liðsheild með áratuga reynslu úr upplýsingatatækni. Við erum með mörg stór verkefni framundan og þar munu þau öll þrjú gegna mjög mikilvægu hlutverki.“

Ivanti nýr samstarfsaðili okkar

Wed, 07 May 2025 09:29:48 GMT

Nýlega gerðum við samstarfssamning við Ivanti. Ivanti er með höfuðstöðvar í South Jordan, Utah í Bandaríkjunum með yfir þrjú þúsund starfsmenn. Ivanti hafa þróað Velocity hugbúnað fyrir handtölvur sem notaðar eru hjá mörgum af okkar viðskiptavinum. Velocity hugbúnaðurinn er öflugur vafri fyrir fyrirtæki í iðnaði og framleiðslu. Samstarfsaaðili eins og Ivanti mun styrkja ennfrekar víðtæka þjónustu okkar við handtölvur hjá okkar viðskiptavinum. Heimasíða þeirra er www.ivanti.com

Nýjar M7 lausnir í D365 F&O og AX

Thu, 10 Apr 2025 14:11:21 GMT

Nýjar íslenskar M7 lausnir í Dynamics D365 F&O og AX

Mynd: Frá vinstri, Sverrir Snævar Jónsson þróunarstjóri M7 og Enok Jón Kjartansson framkvæmdastjóri fara yfir nýjustu lausnir M7

M7 hefur nú gefið út nýjar íslenskar lausnir D365 Finance & Operation og Microsoft AX. Þetta eru lausnir sem hafa verið í þróun hjá okkur undanfarin misseri. Lausnirnar sem hér um ræðir eru: M7-Samþykktarkerfi / M7-Samþykktar-App, M7-Rafrænir Reikningar, og M7-Bankakerfið.

Allt lausnir sem M7 hefur hannað og þróað í nánu samstarfi við nokkra af okkar stærstu viðskiptavinum. Fjöldi viðskiptavina hafa núþegar tekið þessi kerfi í notkun og hafa þessar lausnir reynst afar vel.

M7-Rafænir Reikningar. Lausnin meðhöndlar bæði sendingar og móttökur rafrænna reikninga í viðskiptakerfum D365 Finance & Operation sem og í Microsoft Dynamics Ax2009/2012. Skeytamiðlun M7 sér síðan um allt það sem snýr að miðlun rafrænna reikninga jafnt innanlands sem erlendis

M7-Samþykktarkerfið er öflug lausn fyrir frágang og samþykktir reikninga. Auk þess sem hægt er að nota kerfið með sérstöku Appi sem útbúið hefur verið. Kerfið er sveigjanlegt og einfalt í uppsetningu

M7-Bankalausnin er yfirgripsmikil lausn til að sinna rafænum bankasamskiptum. Fá yfirlit, sýsla með kröfur og fylgjast með raunstöðu reikninga.

Fleiri upplýsingar um lausnir M7 er að finna hér: www.m7.is/lausnir

Byko innleiðir hátækni vöruhús í samstarfi við M7

Fri, 28 Mar 2025 15:55:02 GMT

Vélmenni vinna verkið

Undanfarna mánuði hefur M7 í nánu samstarfi við Byko og Element Logic, innleitt hátæknilausnir í nýju vöruhúsi Byko að Miðhrauni í Garðabæ.

Autostore uppsetning í vöruhúsinu er sjálfvirk lausn fyrir vörslu og tínslu á vörum fyrir verslanir og viðskiptavini Byko. Þar sem róbottar/vélmenni ráða ríkjum. Vöruhúsateymi M7 sá um samþættingu og aðlaganir í Dynamics AX2012 til að mæta þörfum nýja kerfisins og tyggja fulla virkni.

Steinn Guðni Einarsson vöruhússtjóri segir: „ Samstarfið við sérfræðinga M7 hefur verið frábært. Það var áskorun fyrir okkur að takast á við nýja framsetningu og vinnu í vöruhúsinu þar sem sjálfvirknin ræður ríkjum. Núna þegar kerfið er komið í gagnið og starfsemin okkar hefur aðlagast, er kominn miklu meiri hraði, yfirsýn og frábært skipulag. “ Nýja vöruhúsakerfið mun annast fjölbreytta vöruflokka og annast á bilinu tíu til tuttugu þúsund vörunúmer.

Við óskum Byko til hamingu með nýja kerfið og þökkum fyrir afar ánægjulegt samstarf í þessu verkefni.

Ráðstefna um Dynamics365 Finance & Operation

Mon, 17 Mar 2025 13:37:19 GMT

M7 og viðskiptavinir fara á ráðstefnu í maí 2025

Starfsmenn okkar munu þann 26.-28.maí nk. fara til Slóveníu á afar spennandi og veglega ráðstefnu. Umfjöllunarefnið er Dynamics365 Finance & Operation, auk þess sem fjallað verður um PowerPlatformið. Á vegum M7 verða bæði ráðgjafar og forritara okkar, en fjöldi viðskiptavina hefur einnig ákveðið að fara með okkur. Áhugaverð dagskrá liggur núþegar fyrir og geta áhugasamir kynnt sér málið hér: https://www.dynamicsminds.com/agenda/

Ef þú eða þitt fyrirtæki hefur áhuga á frekari upplýsingum eða koma með, sendu okkur línur á netfangið: m7@m7.is “

Sjáumst í Slóveníu í maí.

Björgun - Innleiðir D365 F&O

Mon, 24 Feb 2025 14:22:49 GMT

Björgun innleiðir Dynamics D365 Finance & Operation

Björgun ehf er malarnámufyrirtæki sem í samstarfi við M7 hefur innleitt D365 Finance and Operation. Undirbúningur og framkvæmdin hefur nú staðið í nokkra mánuði og lauk nýverið þegar félagið skipti úr Dynamics Ax2009 í D365 F&O. Það er alltaf ánægjulegt í svona stórum verkefnum þegar vel gengur og samstarfið er gott eins og í þessu tilfelli.

Starfsmenn Björgunnar höfðu á orði hversu vel hefði gengið að innleiða kerfið og ótti starfsfólks við innleiðingu á nýju kerfi hefði reynst óþarfur. Við hjá M7 tökum undir það en gott samstarf er alltaf lykillinn að velheppnaðri innleiðingu.

Björgun er yfir 70 ára gamalt fyrirtæki og á fullri ferð inní framtíðina. Við óskum félaginu til hamingju með innleiðingu nýja viðskiptakerfið og hlökkum til áframhaldandi samstarfs.

Árið 2025 – Hvað gerist á árinu? Svarið er hér

Tue, 07 Jan 2025 09:27:02 GMT

Áramótaspá M7

Gleðilegt ár kæru lesendur. Allt er komið í fullann gang hjá okkur í M7 eftir hátíðarnar. Um áramót er kærkomið að velta fyrir sér komandi ári. Við hjá M7 horfum til framtíðar.

Áramótaspáin okkar er þessi:

Fjöldi viðskiptavina mun uppfæra í D365 Finance and Operation
Sjálfvirkni í vöruhúsum og bókhaldi fyrirtækja verður fyrirferðamikil
Nýjar lausnir gervigreindar og ýmisskonar virkni til hagræðingar verða innleiddar hjá viðskiptavinum M7 og stór hluti mannlegs innsláttar mun hverfa
Krafa um aukna skilvirkni, hraða og öryggi verður aukin til allra bókhaldskerfa

Úti í hinum stóra heimi eru spádómar um að á árinu 2025 muni gervigreindin taka við ýmsum verkefnum. Verkefni sem við höfum hingað til talið aðeins á færi mannlegar hegðunar og hugsunar. Grevigreindin er að verða betri og betri í að skoða gögn, greina gögn og finna teikna út lógíska hegðun út frá gögnunum og finna þá hratt hegðun í þeim sem ekki fellur undir þessa lógísku hegðun og benda á þau tilvik, þannig getur gervigreindin t.d. hjálpað til við að finna tekjuleka eða kostnaðarleka.

Bilið þarna á milli tækni og mennsku, verður stöðugt minna. Og stutt í rauntímaákvarðanir gervigreindar á öllum mögulegum sviðum. Við munum stöðugt þurfa að vera á varðbergi yfir því sem við sjáum og heyrum. Orðatiltækið „að trúa ekki sínum eigin augum“ verður mikið notað árið 2025.

Afhverju uppfæra AX í D365 Finance & Operation?

Wed, 11 Dec 2024 15:53:02 GMT

M7 og Microsoft svara því hér í þessari grein

Afhverju uppfæra úr AX í  Dynamics D365 Finance & Operation?

Helstu ástæður uppfærslu eru:

Eldri AX-kerfi njóta ekki lengur stuðnings Microsoft
Öryggi gagna tryggð í hýsingu Microsoft með D365 F&O
Nýjustu útgáfur kerfisins í notkun hverju sinni
Betra notendaviðmót, hraðara kerfi, gagnaöryggi
Auðveldari samþætting við önnur kerfi, PowerPlatform og kerfi Microsoft
Lægri rekstrarkostnaður

Dynamics AX2009 og AX2012 hafa ekki lengur stuðning frá Microsoft, þeim stuðningi  (end of support) lauk í október 2021 fyrir AX 2009 og janúar 2023 fyrir AX2012. Það þýðir til að mynda engar öryggisuppfærslur þessara eldri kerfa eru í boði lengur.   Aðrar ástæður sem knýja viðskiptavini okkar til uppfærslu eru atriði eins og  skýjavæðing á vörslu gagna og kerfis.  D365 F&O er skýjalausn frá Microsoft,  það þýðir að notendur eru alltaf með nýjustu útgáfu kerfisins í notkun, reglubundnar uppfærslur koma frá Microsoft og tryggja nýjustu öryggisstaðla.

Nýtt og nútímalegt viðmót í vafra leysir af eldra viðmót, og auðveldar alla notkun.  Öryggi kerfisins er tekið á enn hærra stig með nýrri nálgun Microsoft í hönnun þeirra þátta. Samþættingarmöguleikar D365 F&O við önnur kerfi Microsoft er líka afar auðveld og allt gert til að nýta önnur vinnutól og kerfi frá Microsoft samhliða.

Þetta hafa margir af okkar viðskiptavinum okkar séð sem mikinn kost. Eitt af aðalsmerkjum kerfisins er síðan lægri rekstrarkostnaður en í eldri kerfum.

Hagræðing í rekstri kerfisins tengist hýsingarkostnaði og vörslu gagna sem sífellt verður umfangsmeiri. 

Við hjá M7 mælum með og tökum að okkur að uppfæra okkar viðskiptavini í D365 F&O.

Neyðarkallinn kemur í M7

Tue, 12 Nov 2024 14:40:01 GMT

Slysavarnarfélagið Landsbjörg afhendir hamfarasérfræðing

Við hjá M7 höfum undanfarin ár styrkt Slysavarnarfélagið Landsbjörgu með kaupum á neyðarkallinum. Í ár styrktum við félagið og fengum í okkar safn hamfarasérfræðinginn sem er neyðarkallinn 2024. Fulltrúi Landsbjargar kom færandi hendi og Valgeir Smári Óskarsson tók við kallinum fyrir okkar hönd.

Hjá M7 eru tveir starfsmenn sem eru ekki bara framúrskarandi forritarar heldur eru virkir meðlimir bæði í Slysavarnarfélaginu Landsbjörgu Einar Lárusson og Ásta Ægisdóttir sem er í Flugbjörgunarsveitinni í Reykjavík. Við erum stolt afþví að hafa ”neyðarkall” og ”neyðarkonu” í okkar starfsliði.

M7 er framúrskarandi fyrirtæki 2024

Wed, 30 Oct 2024 17:30:00 GMT

Framúrskarandi fyrirtæki í rekstri 2024

Í gær fengum við frá CreditInfo veglega viðurkenningu sem "Framúrskarandi Fyrirtæki 2024". Við erum afar ánægð að hafa fengið staðfestingu á okkar góða rekstri með þessum hætti. CreditInfo afhenti okkur sambærilega viðurkenningu árið 2023. Það skiptir

okkur miklu máli að vera með traustann og góðann rekstur. Við erum gríðarlega stolt af þessari viðurkenningu.

Á myndinni eru frá vinstri: Kjartan Gauti, Sverrir Snævar, Sigurborg, Reynir Örn, Brynjar Þór, Kristinn Ingi og Davíð Hjaltested.

Vélmenni í Vöruhúsum

Mon, 07 Oct 2024 11:23:55 GMT

Vélmenni í vöruhúsum – M7 skrifar lausnir

Forritarnir okkar eru komnir á fullt í spennandi verkefni fyrir viðskiptavin sem ætlar að sjálfvirknivæða vöruhúsið hjá sér. Nota vélmenni og sjálfvirkar tínslur, til þess að spara pláss og auka hraðann á afgreiðslu til viðskiptavina sinna. Okkar fólk í M7 er að samþætta vöruhúsakerfið við AX-kerfið og tryggja gott flæði á milli þessara ólíku kerfa. Það er greinilega vaxandi áhugi á sjálfvirknivæðingu enda er margþættur sparnaður sem hlýst af slíku fyrirkomulagi. Vélmenni í vöruhúsum hafa í fjölda ára verið við störf í útlöndum. En nú er áhuginn að aukast á þessu á Íslandi. Ráðgjafar okkar eru alltaf til í spjall - viltu vélmannað vöruhús?

M7 fjórða besta fyrirtækið árið 2024 á Íslandi

Thu, 13 Jun 2024 20:43:57 GMT

M7 hefur enn eitt árið verið í efstu sætum lista VR yfir Fyrirmyndarfyritæki og Fyrirtæki ársins. Á lista yfir öll fyrirtæki í könnun VR sem eru 211 er M7 í fjórða sæti. VR leggur upp með að meta ánægju starfsmanna í fyrirtækjunum sjálfum. Allir starfsmenn M7 svöruðu könnun VR í ár, 100% svörun hjá okkar fólki. M7 hefur frá stofnun gert sér far um að bjóða uppá framúrskarandi og eftirsóknarvert starfsumhverfi. Viðurkenning VR staðfestir þann metnað og vinnu sem M7 stendur fyrir í þessum efnum. Vinnustaðurinn er þó fyrst og síðast starfsfólkið sjálft og sú menning sem það skapar. Við erum afar stolt að hafa fengið þessa viðurkenningu.

M7-Lausnir í D365 leysa vandann

Thu, 13 Jun 2024 20:43:55 GMT

M7-lausnum í D365 F&O fjölgar stöðugt. Nú þegar hefur M7 skrifað lausnir eins og M7-Rafræn Bankasamskipti, M7-Samþykktarkerfi og App. Auk þess höfum við lokið við að skrifa lausnir fyrir rafræna reikninga og Þjóðskrá. Árangursríkt samstarf við okkar viðskiptavini gerir okkur mögulegt að þróa og aðlaga þessi kerfi því sem best gerist í heimi fjárhagskerfa. Endurgjöf, kröfur og væntingar viðskiptavina okkar er gríðarlega mikilvægt í allri þróunn hjá okkur. Lausnirnar eru í stöðugri uppfærslu og nýjungar bætast við í takt við breytingar hjá Microsoft D365 F&O og breytilegar þarfir viðskiptavina. Sannarlega lifandi lausnir.

Fjörugir forritarar í fimmtíu ár

Thu, 13 Jun 2024 20:43:54 GMT

Hjá M7 bætist stöðugt í fjölda starfsmanna. Nýlega hófu störf hjá fyrirtækinu þrír forritarar, þau Ásta Ægisdóttir, Emil Þór Emilsson og Pálmi Örn Pálmason. Öll hafa þau áralanga reynslu af Microsoft Dynamics AX og D365 Finance & Operation. Auk reynslu af þróun sértækra lausna í fjárhagskerfum. Þau eru öll með langa og mikla reynslu sem spannar samanlegt meira en 50 ár, hálfa öld. Það er mikill fengur að fá slíka liðsfélaga nú þegar vaxandi eftirspurn fyrirtækja er um uppfærslur, séraðlagnir og nýjungar í fjárhagskerfum sínum. Þau eru öll boðin velkomin til starfa.

KFC heimsending með lausn frá M7

Thu, 13 Jun 2024 20:43:53 GMT

M7 skrifaði nýlega samþættingu í AX-kerfi fyrir KFC sem ákvað að bjóða uppá heimsendingar. Það tryggði að nú geta landsmenn keypt sér KFC (stundum kallað Kjúklingur-Franskar-Coke) með heimsendingu. Þetta voru mikil tímamót hjá KFC á Íslandi. Samstarf M7 við KFC við útfærsluna var afar skemmtileg. Kerfið sem M7 skrifaði tryggði að pantanir bárust milli alls ótengdra kerfa og til viðskiptavina KFC. Allt skráð samstundis í AX kerfið. Það besta við samstarfið þótti forriturum okkar að getað prufu pantað kjúklingabita sem birtust á ljóshraða við skrifborð forritaranna. KFC á Íslandi er með fleiri spennandi verkefni sem ráðgjafar okkar eru að vinna að og ekki er tímabært að segja frá að svo stöddu, eins og sagt er. KFC er búið að vera 44 ár á Íslandi eða síðan 1980 – á hvaða aldri varst þú þá!

M7 - þjónustur og tækifæri

Tue, 09 Apr 2024 23:53:04 GMT

Innleiðingar

Með öflugu verkefnaskipulagi, sem byggir á Microsoft Sure Step aðferðafræðinni, getum við metið nákvæmlega þínar þarfir og þannig haldið utan um framgang verkefna. Fylgt er eftir að verkefnum sé lokið á skilvirkan hátt en allt ferlið er skjalað sem tryggir að engar kröfur falla í gegnum sprungurnar.

Endurbættir verkferlar

Innleiðingar geta verið flóknar og kostnaðarsamar. M7 hefur reynslu af því að koma inn í verkefni á öllum stigum, allt frá þarfagreiningu til eftirvinnslu verkefna. Oft fara innleiðingar ekki eins og áætlað var en sérfræðingar okkar koma verkefnunum á rétt skrið.

Uppfærslur

Okkar teymi af ráðgjöfum og forriturum hafa mikla reynslu af uppfærslum í öllum útgáfum af Dynamics AX, allt frá útgáfu 1.0 til Microsoft Dynamics AX 2012 R3 og nú nýjustu útgáfuna Dynamics 365 F&O. Sérfræðingar okkar gera þér tilboð í kóða og gagnauppfærslu, sérsniðið að þínum rekstri.

Vöruþróun

Við hjá M7 höfum reynslu af því að setja saman hæf teymi með fjölbreytta þekkingu sem sérhæfa sig í þróun fyrir allar útgáfur af Dynamics AX. Farið er ítarlega með þér í gegnum þínar þarfir og ferla til þess að tryggja að öllum kröfum sé mætt.

Þjónusta

M7 býður upp á ýmsar leiðir í þjónustu við sína viðskiptavini. Meðal annars er boðið upp á að vera með fasta viðveru í styttri eða lengri tíma eftir þörfum hvers fyrirtækis. Sérfræðingar M7 leggja mikið upp úr því að veita skjóta þjónustu, þar sem áhersla er lögð á að leysa verkefnin hratt og örugglega.

Hraðavandamál

Ef kerfið er ekki að vinna á fullri getu getur það orsakað hægagang og tafir í daglegum rekstri. Eftir að sérfræðingar okkar hafa gert greiningu á kerfinu mun það ekki aðeins keyra á sinni bestu getu heldur einnig auka frammstöðu og skilvirkni daglegra notenda.