M7 er Framúrskarandi fyrirtæki 2026

M7 er Framúrskarandi fyrirtæki 2026 🏆

M7 hefur hlotið viðurkenningu Creditinfo sem Framúrskarandi fyrirtæki 2026. Viðurkenningin var afhent á hátíðlegum viðburði í Hörpu 28. október.

Hvað þýðir þetta?

Creditinfo setur ströng skilyrði fyrir vottuninni og aðeins lítill hluti íslenskra fyrirtækja uppfyllir þau. Meðal annars þurfa fyrirtæki að hafa sýnt fram á traustan og stöðugan rekstur þrjú ár í röð. Vottunin staðfestir að M7 byggir á heilbrigðri starfsemi og hraustum rekstri. Þetta er ekki eitthvað sem gerist á einni nóttu heldur afrakstur langtímahugsunar og vandaðra vinnubragða.

Fólkið okkar á heiðurinn

Svona árangur verður ekki til af sjálfu sér. Hann er fyrst og fremst að þakka frábæru starfsfólki M7: metnaðinum, samheldninni og jákvæðninni sem það kemur með inn í Torfhöllina á hverjum degi. Við erum líka afar þakklát viðskiptavinum okkar og samstarfsaðilum fyrir traustið sem þeir sýna okkur.

Fleiri tímamót í haust

Viðurkenningin kemur í kjölfar spennandi tíma hjá M7. Við fluttum nýlega í nýjar höfuðstöðvar í Torfhöllinni að Silfursmára 12 og kynntum á sama tíma uppfært lógó og nýja ásýnd. Það er því gott veganesti inn í framtíðina að hljóta þessa viðurkenningu. Hún hvetur okkur til að halda áfram að vaxa og gera enn betur fyrir viðskiptavini okkar.



Takk fyrir okkur! 💙