M7 flytur í stærra húsnæði í Silfursmára 12

M7 hefur flutt starfsemi sína í nýtt húsnæði að Silfursmára 12 í Kópavogi. Flutningurinn markar mikilvægan áfanga í sögu fyrirtækisins og er tilkominn vegna áframhaldandi vaxtar en fyrra húsnæði var orðið of lítið fyrir starfsemina.

Á undanförnum árum hefur M7 vaxið jafnt og þétt og styrkt stöðu sína sem einn af leiðandi sérfræðingum landsins í Microsoft Dynamics 365, Azure og Power Platform lausnum. Í dag starfa yfir 30 ráðgjafar, þróunaraðilar og sérfræðingar hjá fyrirtækinu sem þjónustar fjölbreyttan hóp viðskiptavina í íslensku atvinnulífi, meðal annars í bíla-, orku-, heildsölu- og smásölugeiranum.

Nýja húsnæðið í Silfursmára 12 veitir M7 aukið svigrúm til áframhaldandi vaxtar og skapar enn betri aðstöðu fyrir starfsfólk, viðskiptavini og samstarfsaðila. Húsnæðið er nútímalegt og vel staðsett í hjarta Kópavogs, í næsta nágrenni við Smáralind og helstu samgönguæðar höfuðborgarsvæðisins.

„Flutningurinn í Silfursmára 12 er spennandi skref fyrir M7. Hann endurspeglar þann vöxt sem fyrirtækið hefur upplifað undanfarin ár og styður við metnað okkar til að halda áfram að byggja upp framúrskarandi vinnustað og veita viðskiptavinum okkar fyrsta flokks þjónustu og lausnir,“ segir Enok Jón, Framkvæmdastjóri M7.

M7 hefur hlotið fjölmargar viðurkenningar undanfarin ár, þar á meðal verið valið Fyrirtæki ársins á Íslandi tvívegis. Flutningurinn í Silfursmára 12 er liður í áframhaldandi uppbyggingu fyrirtækisins og endurspeglar þann metnað sem einkennir starfsemi M7 og framtíðarsýn þess.

Við hlökkum til að taka á móti viðskiptavinum, samstarfsaðilum og vinum fyrirtækisins í nýju húsnæði okkar í Silfursmára 12.